【Emily】社區主任「光復」球場
[2019.09.28] 發表
【明報專訊】公園有各種設施畀市民享用，但如果配套唔足，有時得物都無所用。好似牛頭角下邨公園內嘅羽毛球場，燈光唔足，居民夜晚打波極考眼力，有時變成居民跳舞嘅地方。服務該區嘅社區主任李詠珊除咗去信房署同康文署跟進，希望夜晚將燈光調校至適合運動，前晚就搵嚟工具為球場「亮燈」，等居民可以入夜打羽毛球喇。
李詠珊話呢個羽毛球場除咗無網，亦太黑，佢當晚就問附近車房借嚟兩盞大燈照明，又用繩穿起單張，當中掛上裝飾用嘅燈，變成分隔打波兩邊嘅「網」，令打波嘅街坊都睇得清楚。佢話當晚都有一家大細落嚟玩，更有街坊喺屋企望到公園光咗，著皮鞋都要落嚟切磋一下。佢形容今次係先做一次社區實驗畀街坊睇，發現個場光咗，就多咗街坊可以夜晚打波，唔會令場地浪費。
更多港聞
【明報專訊】北京為國慶70周年舉行多場盛大活動，包括國慶閱兵，港區全國人大代表、政協委員、建制派立法會議員等都獲邀參加。有收到邀請嘅立法會議...
詳情
相關新聞
