【明報專訊】民主派同建制派都扭盡六壬為市民撲口罩，民主黨立法會議員尹兆堅快閃緬甸24小時，成功買到40箱合共約6萬個口罩，其中一部分會送畀老人家，亦有部分會供街坊團購。阿尹話，之前訂口罩一波三折，啲貨被大陸人嘅買手用高價買咗，所以佢一知道緬甸口罩供應商有貨，立即飛去親自交收，同運返香港。佢話，親自去運口罩返香港，平過用運輸公司，可以為街坊慳錢。 憂搶當地人資源 幸緬暫無確診 阿尹上星期五(21號)坐夜機去緬甸，凌晨抵達當地。佢話，透過朋友聯絡到緬甸港人程小姐幫手，買到40箱口罩；佢出發前有一個心結，擔心係搶當地人嘅資源，好彩當地未有確診個案，本地人亦無戴口罩。阿尹話當地係佛教國家，大家覺得凡事有因果，唔會太擔心，佢祝福當地唔會有確診個案。 阿尹亦批評港府，指政府成日話無口罩、又自稱已經好努力咁全球搜羅，「唔係靠人哋等人投摽就有，唔係坐喺電腦前面網購就有」。佢話，要有口罩真係要落手落腳，政府蹺腳等收貨係無用嘅。
|
| |
| |
;){kind=small}
;)
