【Emily】何君堯阿叻直播撐23條 普通話講唔夠10分鐘 轉番廣東話
[2020.04.16] 發表
【明報專訊】噚日係「全民國家安全教育日」，立法會議員何君堯(Junius)同藝人陳百祥(阿叻)整咗場網上直播，討論《基本法》23條立法。Junius形容呢場直播係「堯望神州」、以普通話全國直播。兩人都力撐要盡快就23條立法。為咗內地同胞，兩人原本以普通話對談，不過講唔夠10分鐘，阿叻就笑稱自己嘅普通話「好普通」，話講香港嘢都係用番廣東話，仲叫「北方的朋友不用擔心」，因為稍後會加字幕。
直播對談大約30分鐘，去到尾聲，民政事務局前局長藍鴻震突然「亂入」，仲同Junius搭膊頭，似乎忘記咗抗疫下要保持社交距離嘅呼籲。Junius向內地朋友介紹藍鴻震係昔日嘅「民政部部長」。藍鴻震又話，感染咗新冠肺炎、目前留院嘅男高音莫華倫都好希望可以現身支持Junius。
藍鴻震亂入：莫華倫都想現身支持
Junius話，推動23條立法係佢參選政綱之一，目前趁立法會任期完結前「推動一下」。佢又將23條立法同疫情類比，指港獨、「黑暴」好比病毒威脅，大家一定要戴「23條口罩」保障國家安全，又形容現時係「千載難逢」嘅立法機會。
更多港聞
【Emily】消防處長周六卸任 難忘當年防護服似雨褸
【明報專訊】服務咗37年嘅消防處長李建日（圖）星期六退下火線，由副處長梁偉雄接任。李建日噚日同傳媒分享難忘救火往事，原來佢初出學堂就參與19... 詳情
【Emily】同鄉會「邀」登記選民 送多5個罩
【明報專訊】不論民主派和建制派都呼籲支持者快啲登記做選民，有同鄉會就用口罩同市民交換填好嘅選民登記表。工黨何秀蘭上載一張相，配有「香港東莞橫... 詳情
【明報專訊】立法會內務委員會仍未選出主席，近日建制派議員謝偉俊（Paul）獻計，包括話民建聯主席李慧琼（Starry）可以退選。Starry...
詳情
相關新聞
