【Emily】記者「超額」提問 張竹君「孤軍作答」
[2020.07.10] 發表
【明報專訊】最近新冠疫情捲土重來，衛生防護中心傳染病處主任張竹君休息咗一陣，又要重出江湖，同記者講解疫情最新情况。噚日有42宗確診，記者會歷時個半鐘。個個行家都想提問，但唔係個個都問到。主持人宣布記者會完結後，有記者繼續大叫追問，起初食衛局長陳肇始都有繼續答，但後來台上嘅4個人，只有張竹君願意繼續坐低答問。
當主持人一講「多謝大家」，意味住記者會完結，但與此同時，記者繼續追問校園相關嘅初步確診個案詳情，台上陳肇始、食衛局副秘書長陳偉基相繼離開，醫院管理局總行政經理劉家獻企起身後停低幾秒，然後轉身走。3人離去後，剩低張竹君孤軍作戰，解釋多一分鐘，話自己要再睇清楚，因為涉及嘅患者子女就讀嘅校名有好幾間類似嘅，怕搞錯咁話。
更多港聞
書局稱中一整套2500至3500元 課本凍價 家長：收入減有壓力
【明報專訊】昨日和今日是中一新生註冊日，不少家長到所屬中學為子女辦理註冊手續後，順道到書局買新教科書。疫情下，今年逾九成出版社凍結教科書價，... 詳情
相關新聞
