【Emily】基哥倡民主派學當年民協 民調決定入唔入「臨立會2.0」
[2020.08.10] 發表
【明報專訊】全國人大常委會正開會，當中包括審議有關立法會「真空期」事宜，民主派暫時都未決定點應對。回歸前曾加入臨立會嘅前立法會議員馮檢基，就建議一眾民主派參考佢當年做法，做民調問市民支唔支持加入，「你喺邊個區嚟，係咪要返去個區、問該區市民，支唔支持你參加臨立會2.0？」
話開咗11次座談會 拗到面紅面綠
已退出民協嘅基哥喺YouTube放片，憶述民協加入臨立會嘅來龍去脈，佢話當時民主派主流、輿論多數傾向唔參加，民協亦要考慮一旦加入臨立會，會唔會喺回歸後嘅選舉未能當選。基哥憶述，當年民協開咗11次座談會討論，拗到「面紅面綠」，有人拍枱、有人「嘭門」走，後來大部分人都認為應該參加，因為呢個係民協路線。
基哥又話，因為佢同廖成利當時分別係九龍西、中嘅直選議員，佢哋決定交由民意定奪，搵咗時任港大民意研究計劃主任鍾庭耀喺兩區做民調，兩區分別有逾五成人、逾六成人認為應參加。
之後立選 民協「全軍覆沒」
基哥話，因為市民期望議會有民主價值聲音，亦希望佢哋入去監察臨立會，如臨立會做咗不符身分、地位嘅事，佢哋可以「爆出嚟」，最終決定加入。不過，Emily睇番資料，喺之後嘅立法會選舉，民協就「全軍覆沒」。
更多港聞
【明報專訊】香港2003年經歷SARS，同年元朗山貝河出現一條小灣鱷，之後佢落戶香港濕地公園，大家都叫佢「貝貝」。「陳校長免費補習天地」創辦...
詳情
【明報專訊】社福界立法會議員邵家臻任浸大社工系講師多年，早前收到通知不獲續約，要喺今個月31日前交還辦公室鎖匙、離開浸大。阿臻近日忙於執拾、...
詳情
【Emily】「街坊」指罵鼠王芬：啲老鼠好似你咁大隻呀
【明報專訊】經民聯梁美芬噚日推出《美芬幫緊你》宣傳片，片中有演員扮演潑辣街坊，走到議員辦事處投訴，其中一項投訴係話土瓜灣鼠患嚴重，演員更指住... 詳情相關新聞
