【Emily】林筱魯狄志遠話議助今起WFH
[2022.01.24] 發表
【明報專訊】Omicron變種病毒喺社區爆發，部分議員開始採取在家工作(WFH)安排，選委會界別林筱魯前日喺facebook宣布，今日開始安排議辦職員在家工作。社會福利界狄志遠都同Emily講，佢嘅職員今日起會WFH。
陳凱欣：職員分更 麥美娟：難一刀切
其他議員嘅安排就各有不同，選委會界別陳凱欣話會安排職員分更返立法會工作，因為佢星期三(26日)嘅大會有一項議員議案，所以助理們都要返立法會預備。工聯會麥美娟就同Emily講，由於佢哋經常要落區，好難一刀切畀所有職員在家工作，會傾向彈性處理。民建聯梁熙就話，撇除要落區嘅職員，民建聯黨團正在商討係咪容許喺立法會嘅職員在家工作。
另外，選委會界別議員梁美芬、江玉歡同林智遠，噚日一齊去疫情重災區葵涌邨同深水埗附近一帶視察，了解屋苑圍封情况及環境清潔問題。其中江玉歡話，葵涌邨嘅樓宇密度高，相信有好多居民受影響，希望政府採取檢疫行動時要尊重區內居民生活，做好溝通工作。
更多港聞
【Emily】話移平山頭 泥土用嚟填海 冼國林政綱倡南丫島建「超級監獄」
【明報專訊】建制「KOL」、商人冼國林（圖）上星期宣布參加特首選舉，佢入唔入到閘參選係未知數，但佢噚日先提出政綱，其中土地政策方面，佢話可以... 詳情
【Emily】教學生家居伸展 李慧詩細個行住溫書
【明報專訊】港隊單車代表、東奧銅牌得主李慧詩（Sarah），日前為教育局嘅「躍動校園 活力人生」計劃拍攝影片，為學生示範「家居椅子伸展運動」... 詳情
浸大新課程教學生為社會解難 文理科技學士 鼓勵自擬社會議題探討
【明報專訊】浸會大學下學年推出4個跨學科新課程，當中「文理及科技學士（榮譽）」鼓勵學生自擬有意探討的社會議題，並構思解難方案，過程由跨學科的... 詳情
【明報專訊】社區組織協會有關特殊教育需要（SEN）基層學童的問卷調查顯示，家長最需要功課輔導和補底班等學習方面支援（87.5%）。社協稱，疫...
詳情
相關新聞
