【Emily】話移平山頭 泥土用嚟填海 冼國林政綱倡南丫島建「超級監獄」
[2022.01.24] 發表
【明報專訊】建制「KOL」、商人冼國林(圖)上星期宣布參加特首選舉，佢入唔入到閘參選係未知數，但佢噚日先提出政綱，其中土地政策方面，佢話可以將南丫島山頭移平，山頭泥土可以用於島外填海造地，話咁樣比起特首林鄭月娥提出嘅「明日大嶼」人工島更快捷喎。佢仲提議，可以喺南丫島興建「超級監獄」，然後將所有監獄集中一齊，咁就可以騰出其他監獄用地，料有數百公頃可以用嚟發展起樓。
冼國林又向青衣島打主意，話可以搬走貨櫃碼頭，並認為可以諗吓將全港所有紀律隊伍嘅訓練學校，包括少年警訊中心等，集中於青衣島，指咁樣可以釋出市區土地起樓。
其他監獄騰地 料數百公頃可起樓
冼國林亦關注先人陰宅，話𠵱家喺市區及新界有好多骨灰位及墳場，除咗佔用市區土地，更會引起當區居民反對。佢於是提出，將骨灰位或墓地搬晒去離島，仲點名話馬會喺滘西洲嘅高爾夫球場佔地2.5平方公里，可以改為墳場骨灰位，然後起條跨海大橋及填海，就可以解決去拜山嘅交通需要。
更多港聞
【Emily】教學生家居伸展 李慧詩細個行住溫書
【明報專訊】港隊單車代表、東奧銅牌得主李慧詩（Sarah），日前為教育局嘅「躍動校園 活力人生」計劃拍攝影片，為學生示範「家居椅子伸展運動」... 詳情
浸大新課程教學生為社會解難 文理科技學士 鼓勵自擬社會議題探討
【明報專訊】浸會大學下學年推出4個跨學科新課程，當中「文理及科技學士（榮譽）」鼓勵學生自擬有意探討的社會議題，並構思解難方案，過程由跨學科的... 詳情
【明報專訊】社區組織協會有關特殊教育需要（SEN）基層學童的問卷調查顯示，家長最需要功課輔導和補底班等學習方面支援（87.5%）。社協稱，疫...
詳情
相關新聞
