【Emily】污水廠搬遷再申129億 民建聯質疑又貴又急
[2025.06.11] 發表
【明報專訊】沙田污水處理廠搬遷岩洞嘅工程進入最後階段，立法會財委會工務小組委員會噚日處理相關工程129億元撥款，席上多個民建聯議員提到目前政府財赤，質疑工程係咪迫切、遲啲搬得唔得；政府就形容舊廠係「老爺車」，稍有差池，會影響沙田、馬鞍山、大圍約70萬人嘅生活，強調工程迫切。
梁熙話遲啲搬 發展局話設施已超時
陳克勤話項目今次係第五次申請撥款，計埋有328億元，形容工程「好貴」，新廠營運開支仲比舊廠高，質疑財赤下當局點解要急住做。梁熙就話近日落區聽到市民關心瀝青水管、學生津貼削減、長者兩蚊搭車縮水、醫療收費上調，佢認為如果遲啲搬，相關費用可以解決市民關心嘅問題。
李世榮早幾日同沙田區議員就搬遷同政府官員見面，佢事後喺社交媒體發文，提到團隊重點關注污水處理廠嘅臭味問題，最後提咗一句「要求政府能慳則慳」。噚日佢就話，工程費唔係細數目，希望當局說明「係咪一定一定要做」。
副發展局長林智文喺會上回應，話舊廠運作咗40幾年，好多設施已超過設計時原有壽命，唔搬嘅話舊廠要大維修，粗略估計可以用多兩年，費用超過5億元。佢重申搬廠入岩洞經過深思熟慮，係最合適方案。
更多港聞
【Emily】亞非法協仲裁中心3周年 舊終院做「新屋企」
【明報專訊】區域法律組織「亞非法協」喺香港開設區域仲裁中心3周年，噚日喺舊終審法院、前法國外方傳道會大樓舉辦慶祝儀式，中心主任陳曉峰（Nic... 詳情
【Emily】兒童醫院搞「虛擬遊」 綵排手術紓病童焦慮
【明報專訊】兒童醫院同理大電子計算學系、城大電腦科學系及智樂兒童遊樂協會合作，研究虛擬實境（VR）對減低兒童手術焦慮嘅成效。團隊會搵接受非緊... 詳情
【Emily】服務有段史 明報集團嘉許47老臣子
【明報專訊】明報集團喺香港歷史悠久，旗下刊物除了《明報》，仲有《明報周刊》、《明報月刊》等，同樣出版多年。唔少員工同樣有一定「歷史」，每年集... 詳情
相關新聞
