【Emily】氫巴設計賽 可贏免費搭城巴一年
[2025.08.29] 發表
【明報專訊】城巴早前推出雙層氫能巴士喺港九新界行駛，亦研究緊開發新一代氫能巴士，噚日仲宣布舉辦名為「成就香港新氫動力」概念巴士設計比賽，會揀出5份精選作品，各人可獲發為期一年嘅「獨家城巴免費乘車證」，設計仲有機會成真「通街走」。
參加者可即日至下月27日提交設計，作品要係一架車身闊2.55米、高4.4米、長12.8米嘅雙層三軸氫能巴士，主要設計兩側車身。設計主題好簡單，就係圍繞「氫氣」，而評分準則以符合氫能主題、創意、美感同實用等範疇評分。
任何年齡市民都可以參加，作品可以上載到城巴網頁，同時要提交約100字嘅作品簡介。優勝者除可以獲得免費乘車證外，亦有機會參與巴士設計與生產流程。
更多港聞
【Emily】浸大取錄9精英運動員 有輪椅港將
【明報專訊】新學年即將開始，浸會大學噚日宣布今年透過「優才運動員入學計劃」取錄9個精英運動員入讀本科課程，涉及田徑、籃球、劍擊、空手道、武術... 詳情
【Emily】湯文龍毛樂禮齊去印度出席法界會議
【明報專訊】香港兩個律師會不時齊齊去外國出席業界會議，最近就一齊去印度出席亞洲律師協會會長（POLA）峰會，同大約50個來自超過10個亞太區... 詳情相關新聞
