網民金鐘另設「公民講場」
[2014.11.11] 發表
【明報專訊】金鐘佔領區大台日前發生「搶咪」不愉快事件，為咗響應佔領者要求，大會前晚開始喺晚上開放大台，讓想發言嘅市民可以上台分享。不過，與此同時，有網民都「另起爐灶」，喺「公民廣場」對開搞咗個「公民講場」，分享自己喺前線抗爭嘅故事，噚晚高峰時都有30幾名市民圍觀。
噚日大台由晚上8點至9點開放畀市民分享，每人最多可以講5分鐘。Emily現場所見，有人呼籲大家可以先退場再繼續抗爭，亦有人叫大家堅持留守。不過，最激動係有個女士上台大叫「好憎警察」、「警察好變態」。
至於網民另起嘅爐灶，每日下午6點至10點喺「公民廣場」對開搞分享會，都吸引唔少市民聽，當中有巴打分享雨傘運動後同家人關係嘅變化。
更多港聞
【明報專訊】民主黨主席劉慧卿日前接受訪問時話，如果政府嘅政改方案無不合理限制，民主黨可以考慮，點知被人誤會係「轉軚」。噚日卿姐嗱嗱聲澄清，強...
詳情
相關新聞
