批「扑嘢」用字粗俗 葉劉改稱「最正常嘅行為」
[2016.10.24] 發表
【明報專訊】青年新政議員游蕙禎早前嘅「扑嘢論」引起社會熱議，「匯賢智庫」噚日舉行關於本港政局嘅研討會，主席葉劉淑儀都話游蕙禎嘅言論「某程度反映事實」。但葉太話「(扑嘢)太粗俗」唔想宣之於口，於是用「我們人類進行最正常嘅行為都無地方」去代替「扑嘢(做愛)」二字。
葉太喺會上話，北京同港府都要思考點解咁離經叛道嘅議員，例如青年新政嘅議員，可以獲選入立法會。葉太話可能好似學者袁彌昌所講，市民鍾意「清新政冶」，葉太形容：「西九龍選民見到一位金金哋色頭髮、留啲蔭嘅少女，覺得佢清新，唔知佢宣誓粗暴」。葉太仲話「扑嘢論」太粗俗，但某程度反映事實，「香港人，特別係年輕人，愈住愈細，愈住愈貴。香港市民感壓迫」。
談積金對冲 被笑選舉宣言
研討會講香港政局，一定提到來屆特首選舉。同場嘅立法會前主席曾鈺成聽到葉太提到政府有咁多儲備，點解唔拎出嚟，取消強積金對冲時，笑對葉太話「呢個係特首選舉宣言」。葉太聞言即刻講明「唔係，唔好擺我上枱，我以事論事，我係以評論員身分去講，純粹評論」。民主黨主席劉慧卿都加把口話「要計選舉經費」。
更多港聞
【明報專訊】教育局長吳克儉早前透露防止學生自殺委員會將發表報告，當中分析大學生壓力成因，提到「生涯規劃」十分重要，引起爭議及批評；佢噚日就為...
詳情
學校募捐赴葡 學生跳繩奪冠 老師封紅包資助參賽
【明報專訊】一條繩，展現耐力速度，也可跳出國際。就讀港九潮州公會中學中五級的洪澤林，7月在葡萄牙舉行的國際跳繩錦標賽取得個人花式冠軍及三分鐘... 詳情相關新聞
