聖誕歌拍片憑like籌款 劉鳴煒出錢唔出口
[2016.12.30] 發表
【明報專訊】兒童發展配對基金「聖誕頌歌節」今年打破傳統，增設網上籌款，只要將聖誕歌錄影片段放上facebook並加上指定hashtag，青年事務委員會主席劉鳴煒(圖)就會每個「like」捐兩蚊。佢雖然無開金口唱歌，但拍片呼籲大家參與活動，Emily聽講，最初係1蚊1個like，但佢應承「加碼」，最終贊助近47萬元。
加碼每個like捐兩蚊 贊助47萬
至於響應拍片嘅不乏名人，好似立法會前主席曾鈺成、立法會前議員劉慧卿，歌手許廷鏗同王菀之都有獻聲支持，其中以曾鈺成一人分飾三角影片最受歡迎，瀏覽人次超過84萬。
除咗網上籌款，頌歌節另有過萬人組隊，喺全港商場同旅遊景點唱聖誕歌，每個參加者最少會捐200蚊，主辦單位估計整個活動籌得善款約500萬元。兒童發展基金為參加計劃嘅清貧青少年籌募儲蓄配對金，並安排佢哋參加生命價值觀同生活技能培訓，按潛能同興趣做生涯規劃，仲會有工作體驗機會，以做好升學就業準備，長遠脫貧。
更多港聞
相關新聞
