疑游水中招 鍾國斌印度行水土不服
[2017.06.03] 發表
【明報專訊】自由黨黨魁鍾國斌(Felix)早兩星期拜訪過印度領事同印度商會，對方就安排佢去印度考察，睇下有無經濟合作機會，點知Felix去到之後水土不服不慎「中招」。
Felix話，出發前朋友同佢講，第一次去印度要小心飲食，他話自己已聽足勸告，早午晚3餐都喺酒店解決，出外都係帶酒店支裝水。點知日前朝早游完水先出動，估計出事就係啲泳池水！
Felix話早兩日有發燒同屙，但食咗藥好咗好多。佢喺當地參觀，話印度幾百年前已經同中國有商貿聯繫，但今次中國搞一帶一路印度又唔參加。Felix話，當地唔少地方基建較落後，認為香港可以帶動貿易，喺基建、金融方面都應該有得做。
更多港聞
相關新聞
