文化節再玩3D 聚焦洪拳功夫片

[2017.08.30] 發表

【明報專訊】第三屆「香港文化節」下個月舉行，繼舊年以三維動態影像技術記錄功夫招式，今年大會再玩三維多媒體技術，重現洪拳宗師嘅武藝，並展出多套邵氏武術電影海報同劇照，向早期嘅武術電影致敬。

文化節由非物質文化遺產地脈協會主辦，展期由9月到12月，展覽場地遍佈港九新界，包括重頭作「電影‧社群‧百年嶺南洪拳」展覽，會喺香港視覺藝術中心舉辦。呢個展覽除咗聚焦洪拳，仲會向市民介紹香港兩大武術世家嘅故事，即林世榮及林氏後代、劉氏父子劉湛同劉家良。

另外，文化節有道教音樂、香港龍獅文化、客家功夫同水墨畫等表演或展覽。尖沙嘴文化中心廣場亦會化身廟會形式嘅嘉年華，市民到場可認識大澳端午節遊涌、紮作技藝等文化。詳情可參照各項活動宣傳及售票安排。

更多港聞

【明報專訊】世界自然基金會香港分會（WWF）將舉辦第25屆步行籌款活動「步走大自然」，今年以「可持續生活實驗室」做主題，開放5公里嘅步行路線... 詳情