《信報》總編任旅發局成員

[2017.10.28] 發表

【明報專訊】政府唔少法定同諮詢機構，都有委任不同界別成員，不過政府不成文規定，每人唔可以擔任同一公職超過6年，政府噚日公布新一屆旅遊發展局成員，新委任成員包括立法會主席梁君彥嘅兒子梁宏正，同埋《信報》總編輯郭艷明，取代已擔任旅發局成員6年嘅梁偉賢同麥炳良。

梁宏正先後做過唔少政府重要公職，目前係扶貧委員會成員，過去曾經做過城規會成員、菁英會主席等；至於資深傳媒人郭艷明過去就比較少出任政府公職。

除咗佢兩人，政府亦再度委任周允成、龐建貽、那巴利同譚允芝為旅發局成員，各人任期由11月1日起，為期兩年。商務及經濟發展局發言人話，有信心佢哋嘅專業知識同豐富經驗可協助旅發局推廣香港成為旅客嘅首選旅遊目的地。

更多港聞

【明報專訊】財委會主席陳健波呢個兩星期陸續實行財委會嘅「主席指示」，噚日正式將兩節會議合併做一節，每節差不多要用3至4小時，日後如果排喺財委... 詳情