送雞迎狗 靈犬郵票月底開售
[2018.01.13] 發表
【明報專訊】仲有一個多月就係農曆新年喇，為咗送雞迎狗，香港郵政喺今個月27號(周六)，會喺各郵政局推出一套4枚嘅特別郵票同紀念品，同市民預早拜嗰早年。
十二生肖一直係唔少工藝品嘅題材，「歲次戊戌(狗年)」嘅4款郵票，每款都有對應嘅花同顏色，上面印有以狗為主題嘅瓷器、玉器、陶器同貝殼等嘅工藝品，每套售價15.6元。香港郵政亦推出絲綢郵票小型張，以靈犬彩釉瓷塑為主體，背景加上杏花彩釉瓷塑，優雅脫俗得嚟，又寓意來年花開富貴同幸福美滿。另外，兩款小版張面值分別為2元同4.9元。
除咗郵票，仲會推出狗年嘅首日封同利市封，展示4枚狗年郵票，以及「十二生肖金銀郵票小型張—金雞靈犬」嘅正式紀念封。
更多港聞
相關新聞
