【明報專訊】每逢過年都有大批善信去黃大仙祠爭上頭炷香，今年黃大仙祠會繼續喺年三十晚通宵開放，而正月期間，祠內會有「財神」派利市，又會送出「六福如意結」禮品，仲可以填寫祈福卡許願。 黃大仙祠年三十晚開放時間係上晝7點至下晝5點，晚上9點至翌日下晝6點半，屆時祠內不設跪拜、求籤區及供品供奉區。同時，所有屬狗、龍、牛、羊、雞嘅市民，都可以喺周六(17日)至下月16日免費到黃大仙祠內嘅太歲元神殿參拜。 𠵱家拜神添油都可以用科技幫手，管理黃大仙祠嘅嗇色園話，會喺新春期間推出電子捐款計劃，市民只要打開支付寶App「掃一掃」祠內QR Code，就可以捐錢。
|
| |
| |
;)
