【明報專訊】民建聯劉國勳及鄭泳舜除咗係立法會議員，仲獲委任為北京市政協，劉國勳就趁周末上咗北京，因為北京市政協安排咗考察活動畀佢哋，帶佢哋去睇2022年北京冬季奧運會場地建設。 劉國勳話，佢提早咗上京，乘機去北京大學參加活動，同內地省市狀元學生及一啲到當地讀書嘅香港學生交流。佢話香港同學仔去咗內地後，都話加深咗對內地嘅認識同了解。 北京市主辦2022年冬奥，會建設唔少場地配合，劉國勳話今次北上可以考察一下，可惜聽晚(周二)就要趕返香港，因為要出席周三立法會大會。除咗考察，佢仲定咗兩個「任務」畀自己，包括食烤鴨及羊肉，噚日未去考察已率先完成首項任務，食咗一餐美味烤鴨！
|
| |
| |
;)
