梁美芬憶佗B 考7個鐘PCLL
[2019.01.17] 發表
【明報專訊】新民黨立法會議員容海恩腹大便便，喺立法會步履尚算輕盈，下星期就會開刀分娩，唔少人不時同佢討論懷孕心得。噚日經民聯議員梁美芬一見到佢，就忍唔住分享自己當年佗B時嘅經驗，包括佗第一胎仲走去考PCLL(法學專業證書課程)試考足7個鐘，並持續行路、行樓梯同游水，𠵱家諗番都覺得好大膽咁話。
梁美芬同Emily講，當年第一胎佗到5個月時，撞正要考PCLL嘅房地產試，上下晝分別要考3個半小時，夾埋7個鐘。佢話當年孕婦可以申請每考1.5小時就小休一陣，佢亦都帶齊法寶，包括座墊等，最終捱過考試。
梁美芬又話，佢佗到7至8個月時都會行吓山頂、行樓梯同埋游水，當年身邊人仲驚過佢。但佢話因為多做運動，所以用咗3個零鐘頭就順產，產後收身都好快。
更多港聞
小一派位下周收表 人數料跌16% 12校網「加派」需大班教學
【明報專訊】9月入讀小一的「統一派位」申請於本月26及27日（周六及周日）收表，「龍年效應」過後，升小學童人口回落，教育局料參與派位的整體人... 詳情
相關新聞
