【Emily】民主黨獎券籌款一個月達標
[2021.05.22] 發表
【明報專訊】民主黨上月初開始賣獎券籌款，全港多區都見到佢哋嘅街站，目標籌400萬元。籌款委主席袁海文(Ramon)噚日話畀Emily知，早兩星期籌款額已達標，但仲要做核數，所以未有最終籌款額。Ramon話即使達標後，黨內財赤仍然高達1000萬至1200萬元，所以黨友會繼續努力賣獎券；籌款期下月1日結束。
Ramon感謝市民支持，佢估計提前達標係因為民主黨連番受打壓，多名黨友現正還押，加上區議員即將被要求宣誓，佢哋嘅工作變得愈來愈困難。
瞄準電子消費券研推自家產品
因應疫情，民主黨上年無法舉辦周年籌款晚會，Ramon話日後都要擴寬財政收入來源，例如配合市民將會收到5000元電子消費券，黨內正研究推出自家製產品，放喺網上售賣。
更多港聞
【Emily】啟德空中花園開放 夜間點燈如舊機場
【明報專訊】全長1.4公里嘅啟德空中花園噚日正式開放，市民又有消閒好去處。負責工程嘅土木工程拓展署話，啟德空中花園係全港首個建於波浪形隔音屏... 詳情相關新聞
