【明報專訊】呵！呵！呵！Merry Christmas！禮拜四先係聖誕節，但係香港嘅聖誕老人代表Santa Sunny吳華新早前就已經喺「國際聖誕老人運動會2014」勇奪亞軍，Emily見到新聞網訪問吳華新，佢囝囝知道阿爸攞第二時話有啲失望，仲問佢「點解拎唔到第一」。Santa Sunny希望今次比賽可以令囝囝明白過程比勝負重要，學識玩得開心。 一年一度嘅國際聖誕老人運動會今年去到第11屆，由09年開始港產嘅聖誕老人代表多次攞過冠軍同亞軍。今次Santa Sunny第一次到「聖誕老人故鄉」耶利瓦勒(Gallivare)參賽，佢之前早3個月開始特訓，包括每日食麥片，做sit up同練體能，連聖誕老人嘅紅衣同帽都係一手一腳自家製作。 Santa Sunny接受訪問時話佢個仔比較好勝，佢好想個仔明白若盡晒力，但發現有人叻過自己，就搵方法進步，「最緊要係玩得開心」。
|
| |
| |
;){kind=small}
