【明報專訊】噚日聖若瑟書院140周年校慶開放日，唔少政商界名人校友都畀面出席，包括東亞銀行主席李國寶、資深大律師石永泰、醫管局主席梁智仁同大佬梁智鴻，以及藝人方力申等，大家齊齊講吓舊史。 李國寶做開放日主禮嘉賓，同一眾師弟齊齊唱校歌，懷緬舊日情懷。原來李國寶四代都係聖若瑟校友，佢話佢太爺李石朋1880年入讀聖若瑟，係當時少數入讀書院嘅華人。而李國寶爸爸自小習中國經典，連26個英文字母都唔識，當時為咗入聖若瑟仲補咗成年英文?。 石永泰：學校精神係自由 至於石永泰就同Emily講自己平時都成日返嚟同班師弟搞法律講座，又話聖若瑟精神就係自由，「衰就叫串嘴、多口，好聽嘅咪係敢言」，所以都造就咗自己?家有嗰句講嗰句嘅性格。佢話自己中學時「半乖半曳」咁啦，搞吓辯論，仲有搞流行音樂唱片交換，「?家唔興啦」，當然唔少得參加課外活動，如探訪老人院，佢笑笑口話﹕「見吓女仔咁啦！」
|
| |
| |
;){kind=small}
