【明報專訊】唔少香港人如果想去個短途旅行，台灣肯定榜上有名，而台灣觀光局有多項推廣，吸引更多港人到台灣玩。台北經濟文化辦事處噚日同傳媒茶敘，台灣觀光局駐香港辦事處主任巫宗霖就同Emily講，會推出「感謝有您」活動，只要係從事醫生、護士、老師、紀律部隊、記者，甚至從事公共交通工具機構如港鐵、九巴等服務社會�鵅u無名英雄」，4月中起去台灣，經指定旅行社等途徑買指定產品，就可獲一晚免費住宿。

巫宗霖話，推廣由4月中起至10月底，大約為期半年，經指定途徑訂指定酒店，預訂兩晚酒店或以上，其中一晚免費，?家已有超過100間酒店、民宿甚至農場等參與計劃。呢個活動適用於二人同行以上，其中一人係「無名英雄」就可以喇，具體詳情稍後公布。

定期赴台3次 送來回機票

至於其他優惠，包括�鰜�定期間去台灣3次，觀光局就會送多1張台灣來回機票等。

台北經濟文化辦事處長嚴重光噚日都有出席茶敘，但佢講�炡ㄕn謹慎，問佢未來一年有咩重點工作，佢話所有工作都係重點；咁重中之重係乜�洁H佢話就係要做好手上工作喎。