【明報專訊】中央贈送澳門新一對大熊貓，將於明日抵達澳門，大熊貓會喺下午乘專機由成都出發，約4點半抵達澳門機場，經人員登機檢疫後，就會出席歡迎儀式，國家林業局副局長將會同澳門嘅行政法務司長簽署交接證書，象徵一對大熊貓正式落戶澳門喇。 點解要送熊貓？皆因上年6月22日，澳門原有嘅一對大熊貓「開開」同「心心」當中嘅「心心」因腎衰竭逝世，國家主席習近平其後宣布再次贈送大熊貓。早前澳門政府話，新選定嘅大熊貓係8歲雄性「蜀蓉」和7歲雌性「婭林」，但佢哋到澳門後將沿用舊名「開開」、「心心」。至於舊嘅「開開」就會送回內地參加「全國大熊貓繁育計劃」。
|
| |
| |
