大嘥鬼周日落北區
[2015.06.02] 發表
【明報專訊】立法會環境事務委員會主席、民建聯陳克勤跟開環保議題，噚日佢同北區區議員劉國勳一齊，同「大嘥鬼」喺立法會內開會，講吓嚟緊星期日叫佢出席北區「綠色陽光Green Sunshine啟動禮」嘅事，話一齊宣傳綠色衣、食、住、行嘅信息。
向來鬼馬嘅大嘥鬼，原來早前因為戒唔到嘥嘢陋習，被環境局長黃錦星罰去進修。陳克勤同佢開會時就查詢大嘥鬼嘅學習進度，大嘥鬼話自己?家都仲未畢業，會多落區宣傳，將功補過。
克勤仔今次邀請大嘥鬼去呢個北區活動，原來都唔係咁順利，原本大嘥鬼以天氣酷熱、容易中暑為由婉拒，但劉國勳就游說大嘥鬼，話唔少北區街坊都想同佢見面，交流惜物減廢嘅信息，加上當日又有攤位遊戲、環保酵素製作等環節，最終同克勤仔達成協議，出席活動之餘亦會一齊推動「食唔晒都唔好嘥」。
更多港聞
【明報專訊】教育局課程發展議會轄下的修訂初中中國歷史及歷史課程專責委員會，早前建議將初中近代史的比例，由三分之一增至一半，減少古代史比例，並...
詳情
相關新聞
