梁紀昌：年輕人反政改 董建華有責

梁紀昌：年輕人反政改董建華有責

[2015.07.03] 發表

【明報專訊】政改方案被否決，鮮魚行學校校長梁紀昌噚日喺團結香港基金開會時，解構年輕人反對政府同政改方案嘅原因。佢認為，當年特首董建華喺教育、社福界推行一筆過撥款制度，造成同工不同酬，令社工同老師工作唔穩定，一眾社工老師覺得社會制度唔公平，自然帶住年輕人走，喺舊年出嚟反對政府同政改方案。梁校長建議檢討一筆過撥款制度，令社工、老師生活能穩定一啲，改善佢哋對政府嘅觀感。

拒一筆過撥款造成不公

其實，在座唔止董建華有份推行一筆過撥款，基金顧問、前財政司長梁錦松亦係一筆過撥款嘅「始作俑者」。梁紀昌話都明白當年係因為財赤嚴重，要慳好多錢，但?家政府「水浸」，好應該檢討個制度咁話。唔知阿董知唔知佢咁大影響力，令咁多年輕人對政改不滿呢？政改被否決佢都有責呢？梁校長話阿董無回應佢嘅建議，但就有記低，希望對方跟進。

其實梁校長今年就會退休，問佢有乜大計？佢就話暑假唔想同人迫，會留喺屋企湊孫咁話。佢話?家個孫仲細，會同佢玩，遲啲有自己主見，就好難講喇。