愛協調查：六成人接受流浪貓
[2015.08.26] 發表
【明報專訊】香港人多車多，仲有唔少流浪貓咪喺鬧市社區生活。愛護動物協會早於15年前就開始「貓隻領域護理計劃」，即係以「捕捉—絕育—放回」嘅方法，以人道方式管理街貓數目，改善貓貓嘅「福利」。愛協最新調查反映，62%市民認為流浪貓對生活無影響，仲有16%市民認為流浪貓對生活有正面影響𠻹。
過去15年，愛協已經為超過59,000頭街貓做咗絕育、接種預防疫苗、植入晶片及預防藥物治療；大部分貓貓都被放回街上原居地繼續生活。
愛協早前做「流浪貓網上問卷調查」，隨機訪問601名市民，85%受訪者支持以「捕捉—絕育—放回」嘅人道方式管理流浪動物數目 ，總括而言，大多數人並唔認為街貓衍生問題，多數市民都接受佢哋嘅存在，一齊喺社區生活。
更多港聞
【明報專訊】食物及衛生局副局長陳肇始近排四處出動，呼籲媽咪餵哺母乳。兒科基金同埋兒科醫學會都好支持，但佢哋做咗個調查發現，公共場所畀媽咪餵哺...
詳情
相關新聞
