【明報專訊】黃日華、張兆輝昨出席「足球高爾夫運動日」。黃日華恭喜張兆輝主演的內地劇《北上廣不相信眼淚》爆紅。他說﹕「要戥老友開心，希望他在內地發展愈來愈好！」可有捧場睇老友湯鎮業的台慶劇《梟雄》？黃日華笑言只看過半集，他說﹕「秋生突然講上海話，覺得唔係咁舒服，睇馬國明配音又唔習慣，可能聽慣佢把聲，原汁原味會好�齱A應該全部演員都講上海話，或選擇講廣東話，但就覺得大家講廣東話會比較易接受。」

談到日前世界盃外圍賽中港大戰，黃日華說﹕「當然希望香港隊會贏，基本上中國隊實力較好，只是欠運，香港隊就憑鬥志及現場觀眾支持，結果打和是港隊好運。(中國隊入球問題引起爭議？)從電視角度理應判入，球證站得太遠睇唔清楚，就算中國隊上訴都改變不到比賽結果，根據球例是依照球證當時判決。至於有球迷噓國歌，黃日華說﹕「希望大家日後不要再噓，尊重番我�]中國國歌。」

張兆輝開心拍到內地劇《北上廣不相信眼淚》，指當初看劇本已料到受歡迎。會否多拍內地劇？張兆輝說﹕「最主要時間和故事，香港又要兼顧生意，一年拍一部就最好。(趁勢再加片酬？)薪酬不是你想加就加，老闆覺得值得自然會加畀你，特別是演員，如果你唔值錢，送都唔要。」

記者：梁榮達