【明報專訊】廉政公署噚日舉行年度嘉許禮，表揚百幾個喺過去一年工作表現良好嘅人，其中7人因為破大案而攞到廉政專員嘉許狀(圖為其中6人，及廉政專員白韞六(中))，當中4人來自調查許仕仁貪污案嘅隊伍。 廉署新聞稿話，首席調查主任韋理民(左一)、林雪珊(左二)，總調查主任李慧兒(左三)及高級調查主任羅貝雯，因為「成功將一名前政府高級官員及3名商人繩之於法而獲嘉許」，Emily所知係指許仕仁案，Emily記得韋理民(David William)做過警隊督察，幾年前「過檔」廉署。 除咗許仕仁案，商人與會計師用5億元收購內地林木種植計劃嘅詐騙案，負責調查嘅總調查主任李景文同張健寧亦獲嘉許；另一獲嘉許狀嘅係總調查主任梁炳輝，佢係負責油公司高層受賄60萬案。
|
| |
| |
;){kind=small}
