【明報專訊】候任行政長官林鄭月娥嘅前競選團隊成員、被指係財經局長大熱人選嘅大律師李律仁，聽聞今年申請做資深大律師，不過今年似乎跑唔出，但司法機構升咗與李大狀同一Chambers嘅陳樂信(Abraham Chan，圖)大律師，而今年就罕有得一個大律師升任。 本身係大律師公會執委、競爭事務委員會成員嘅陳樂信，來自人才輩出嘅Temple Chambers。佢係倫敦大學法律學系學士，之後於英國牛津大學取得法律博士學位，2000年私人執業，擅長打商業及公司法、憲法案件。Emily睇番司法機構以前嘅新聞稿，相信今年係自1998年以嚟，第一次得一名大律師升做資深大律師。 Temple Chambers成員粒粒皆星，包括終審法院首席法官馬道立、被傳退任律政司長後再喺Temple執業嘅袁國強、已經回巢執業嘅前律政司長黃仁龍、大律師公會前主席石永泰。至於李大狀，早前盛傳有份申請「資深大律師」銜頭，但未能如願，唔知作為財經局長大熱人選嘅佢又能否順利跑出？
|
| |
| |
;){kind=small}
