【明報專訊】已退下議會火線嘅民主黨前主席劉慧卿，噚日喺港台《城市論壇》同建制派議員謝偉俊(Paul)就修改立法會《議事規則》疊聲舌戰，講起議會制度，曾喺有競爭下當選旅遊界議員嘅阿Paul，形容零票自動當選「非常之難」，因為要令界別無其他人挑戰並非易事，佢挑戰卿姐出山選功能組別， 「你試吓攞唔攞到零票？」卿姐立即回敬阿Paul﹕「我唾棄嘅嘢(你叫)我去選？你都黐線！」 Paul話自動當選非常難 阿Paul形容，票多唔一定等於議席多，全世界好多議會都有部分議員唔係選出嚟，用以反映某啲階層嘅睇法，係制度問題，現時係九龍東議員嘅阿Paul又形容自己清楚知道兩個組別嘅玩法。面對阿Paul挑戰，卿姐扯火批評佢「教壞學生」，又話自己選過7屆直選未輸過，「再選過(直選)都得呀，你唔好同我講功能組別呢啲廢話！」
|
| |
| |
;){kind=small}
