關懷學生日 九龍公園辦歡樂墟
[2018.03.24] 發表
【明報專訊】近年愈來愈多青少年嘅精神情緒出現問題，「陳校長免費補習天地」創辦人陳葒發起「全城關懷學生行動日」，喺2017年首次將復活節前最後一個星期五定為行動日，今年就將噚日定為呢個行動日，呼籲全城市民參與，並表態關懷學生。
今年「全城關懷學生行動日」籌委會喺噚日到星期日一連3日喺九龍公園廣場舉行「屹立不倒裝置展暨色彩生命歡樂墟」，入面會有藝術裝置、遊戲攤位、娛樂表演、心理測試同輔導講座等，藉此宣傳全城關懷學生嘅信息，費用全免。
入面會有一個「屹立不倒裝置展」，有個5米高嘅充氣三色不倒翁，同時有200個80厘米高、唔同顏色而且內裏有電蠟燭嘅充氣不倒翁列陣，等公眾人士拍照觀賞，又可以反思自己日後點樣可以關懷學生或子女。
更多港聞
相關新聞
