5月提早「盛夏」 林超英憂梅雨不復見
[2018.05.28] 發表
【明報專訊】踏入5月，香港已經連續超過10日酷熱天氣，相信唔少人都覺得呢種天氣好難頂，天文台前台長林超英形容今年「旱情比較突出」，呼籲大家唔好掉以輕心。林超英前日就喺facebook上載佢著住保安制服嘅相，話佢喺咁炎熱嘅天氣，「偶然當了幾小時實Q(保安員)，出入大廈後樓梯，恤衫濕完又乾，乾完又濕，體驗了實Q的生活，對他們愈加尊敬」，有網民就問佢係咪著道具，林超英賣關子，點解咁著「暫時係秘密」。
著制服體驗保安辛勞
現時只係5月，天氣已經咁熱，林超英接受無綫節目《講清講楚》訪問時亦話酷熱天氣「有排捱」，因5月只係「初夏」，之後仲有「盛夏」，有可能愈來愈熱，「通常最熱是7月至8月，現在只是開始」。佢解釋，太平洋高壓脊超前兩個月來臨，5月天提早變成「盛夏」，「高壓脊壓住香港，乜雲都無……對於中國內地來講，佢哋平時會講梅雨，𠵱家梅雨好似也不見了，咁驚驚哋㗎」 。
林超英又喺facebook話，今年天旱，呼籲大家珍惜食水，話香港人均用水每日130公升，而佢屋企謹慎用水多年，每人每天用水60公升左右，話大家都可以做到。
更多港聞
小一生勢減 「大肚班」超額教師研保留 未提及推小班教學
【明報專訊】2018/19學年是近年小一生人數高峰，但隨着政府於2013年「停雙非」，2019/20學年的小一適齡人數將開始下降，或會導致學... 詳情
【明報專訊】酒店業流失率高，更出現青黃不接。有提供酒店管理學課程的明愛專上學院將於今年底開始，部分課堂會在觀塘區即將開業的酒店實地上課，以便...
詳情
相關新聞
