中小生國畫賽 籌22萬捐匡智會
[2018.07.23] 發表
【明報專訊】國畫畀人感覺古老啲，有無諗過年輕人、甚至小學生，畫國畫一樣得？由唐英年任會長嘅江蘇社團總會，早前主辦首屆「蘇韻流芳」青少年國畫比賽，唔單止揀出優秀畫作，更將畫作慈善拍賣，合共籌到22萬元，全數捐畀匡智會。
比賽喺今年2月開始，邀請全港所有中小學，合共逾500名學生參加，分為初小、高小、初中、高中4組，希望令學生發揮藝術才華，亦促進江蘇同香港嘅文化交流，評審團最終揀出32張得獎同優秀作品，喺上星期五頒獎典禮當日即場拍賣4幅冠軍作品，另外28幅就網上拍賣，最終總共籌咗22萬元。
更多港聞
相關新聞
