西鐵故障告示 站名多錯字 南晶美乎枯士甸

[2018.09.06] 發表

【明報專訊】港鐵西鐵線噚日故障，列車服務受阻，唔少乘客當時都要依靠港鐵站內「車務狀?」通知欄留意最新情?。不過有車站顥示嘅告示錯字連連，多個港鐵站名都寫錯。

根據網民上載嘅圖片所見，有關告示將南昌站寫作「南晶站」、柯士甸站變?「枯士甸站」、美孚站仲寫錯為「美乎站」同「美乎王站」，而文末則夾雜口語「令你嘅旅程受到延誤」。

呢張告示引起網民熱烈討論，有人笑言「人類好神奇，就算你打錯字，我都知你寫乜」；有人藉此嘲諷港鐵主席馬時亨，話「個嘢壞咗啊，你明就得啦」；亦有唔少人對口語?句表示覺得好親切。

港鐵致歉：員工心急　

港鐵回應話，服務延誤期間，車務控制中心人員因為希望盡快透過車站乘客資訊顯示屏發放最新車務資訊，未有為意所發嘅中文信息有錯別字，控制中心?資訊發出後約10分鐘留意到有關情?，即時糾正。港鐵對事件引起不便致歉，並已提醒有關人員需嚴謹核對發放畀公眾嘅信息，會檢討今次信息發放過程，避免類似事件再發生。

更多港聞

【明報專訊】九龍社團聯會（九社聯）喺九龍西密密做工作，力捧盛傳會代表建制派出選立法會九龍西補選嘅「健康大使」陳凱欣（Rebecca），九社聯... 詳情

【明報專訊】全港18區各有特色，好似南區有香港仔避風塘，今年南區各界慶祝國慶籌備委員會就會舉辦富有地區特色嘅慶祝活動，喺今個月29號（周六）... 詳情

【明報專訊】兩年前嘅9月4日係立法會換屆選舉投票日，香港眾志羅冠聰勝選，成為最年輕議員，但最終因為宣誓風波被取消議員資格。現年25歲嘅阿聰因... 詳情

【明報專訊】雙非學童在港入學潮不再，在2013年「零雙非政策」前出生的最後一批雙非學童，本學年已升讀小一。多所北區幼稚園均指出，缺少跨境生源... 詳情

【明報專訊】科技大學獲羅桂祥基金捐贈1億元，助大學研究生命科學領域，當中大學購買一部能以特高解像度深入研究不同生物分子結構，以及複雜細胞運作... 詳情