城城主禮放映會 浸大導師大感激
[2019.01.24] 發表
【明報專訊】浸大傳理學院電影學院創意電影製作高級文憑課程成立10周年，聽日會舉行電影放映會，並會頒獎畀一眾優秀電影人，表揚佢哋對課程嘅無私付出。當中一大焦點係影帝郭富城(城城)會做主禮嘉賓！
課程主任陳學人同Emily講，每年都有過百個學生讀緊呢個課程，好多電影業人士都會幫手、帶吓工作坊，例如演員廖啓智會教表演，《寒戰》導演陸劍青都幫咗手好多年。陳學人話，大家一向都好欣賞城城，成日以佢做例子同學生講，一個土生土長嘅香港人，由寂寂無聞到𠵱家，仲一直拎緊影帝係好難得，覺得城城勤力、認真同專業，同時亦非常支持年輕電影工作者。城城除咗會負責頒獎，亦會致辭同學生分享。佢感謝城城正舉行巡迴演唱會咁忙都肯嚟，話深感榮幸。
更多港聞
公大生：入學前未聞必修海外課 自費機票住宿憂難負擔 校方：公開途徑可知安排
【明報專訊】多間大學涉及語文的教育學科，均會強制要求學生到海外修讀沉浸課程，增加對主修語言的認識。香港公開大學李兆基商業管理學院今個學年起，... 詳情
相關新聞
