民政局招大專生 莫高窟實習6周
[2019.03.07] 發表
【明報專訊】香港年輕人有機會到甘肅敦煌石窟實習，由民政事務局同青年廣場主辦嘅「香港青年敦煌實習計劃」，由即日起招募香港大專院校學生，喺今年6月至7月到敦煌莫高窟實習6個星期，名額16個。經面試挑選嘅年輕人要接受包括敦煌人文地理、講解訓練等培訓，其後參觀同了解過當地嘅保育工作後，學生有機會成為敦煌莫高窟嘅導賞員，向遊客講解莫高窟嘅歷史、文化。
同學如果獲選中，往返敦煌嘅機票、住宿、保險同交流活動費用，都會由民政局資助。有興趣同學要提交以「推廣敦煌文化」為題目嘅多媒體作品參加選拔，截止報名日期係2019年3月31日，主辦機構會喺4月選拔同面試，中選者會喺5月底接受培訓同簡介，6至7月就到敦煌正式實習。
更多港聞
【明報專訊】香港城市大學每年提供400多個政府資助副學位學額，來自建築學、屋宇裝備工程學等4個課程。質素保證局昨公布城大副學位部門質素核證報...
詳情
【明報專訊】有消息指深圳南方科技大學副校長滕錦光獲推薦出任香港理工大學新校長，最快於本月26日校董會會議通過任命。認識滕錦光多年的理大前校長...
詳情
相關新聞
