禮賓府周日開放 杜鵑花提早開晒
[2019.03.11] 發表
【明報專訊】政府新聞處噚日公布，禮賓府嚟緊周日(17號)早上10點至下午5點會向公眾開放，市民可參觀特首舉行官式活動、接待賓客嘅地方，現場亦有警察樂隊同學生樂團演奏，仲有木偶表演等。不過，政府發言人話啱啱呢個冬天氣溫偏高，過去每年3月喺禮賓府花園盛開嘅杜鵑花已經提早盛開，但禮賓府都仲有唔少其他花卉、植物可供市民觀賞。
禮賓府係法定古蹟，過去開放日吸引唔少人參觀。政府發言人話，古物古蹟辦事處導賞員會向參觀者介紹禮賓府歷史同建築特色，遊覽路線沿途亦有QR code同展板介紹禮賓府珍貴時刻等資料，參觀者可用智能手機等流動裝置瀏覽，亦可以喺兩個設置道具嘅指定地點影相留念。
更多港聞
【明報專訊】「你講呢啲係垃圾嚟㗎，敬恆！」立法會議員何君堯噚日講開理大踢學生出校，因乜事爆出呢句？何君堯以嶺大校董身分上《城市論壇》，講到碩...
詳情
【明報專訊】香港科技大學海洋科學系署理主任錢培元率領的國際團隊，於全球各地包括太平洋、大西洋、印度洋等水域取樣，歷時8年，最終發現了超過70...
詳情
相關新聞
