政制局被譏黑洞 「樣樣嘢有入無出」
[2019.04.16] 發表
【明報專訊】人類首次成功「拍攝」黑洞嘅照片上周發布，全球矚目，原來香港都有個「黑洞」？話說立法會政制事務委員會噚日開會，討論聯合國人權理事會普遍定期審議工作組就香港所做嘅審議，其間爭取性小眾平權組織「女角平權協作組」成員楊煒煒形容，政制及內地事務局就係香港嘅黑洞，「負責嘅嘢每樣都係有入無出、音信全無，穿過政制局後，時間都被吞噬，負責工作全部遲遲冇影」。
楊煒煒舉出多個例子，好似局方4年前聲稱要做不歧視性小眾約章、研究海外性傾向歧視立法經驗，至今無影；強調要求政府立即展開性傾向歧視立法工作。人民力量陳志全喺會上話，有外國代表喺聯合國會議上，建議中國打擊基於性取向、性別認同嘅歧視，中方亦表示接受，質疑中國都話會做，如果香港唔做「點講得通」。佢又一再問政府幾時落實性傾向歧視法例，「係咪要等大陸都立咗，我哋先立？」
政務司長張建宗就話，已經有一連串工夫做緊，希望鼓勵不歧視嘅文化，但立法有爭議及複雜，強調要小心處理。
更多港聞
2016人普通話考中文 較首屆DSE多1.5倍
【明報專訊】今屆中學文憑試（DSE）中文科考試本月初結束，據本報向考評局查詢的最新資料，今年約5萬名中文科考生中，逾2000人以普通話應考，... 詳情
【明報專訊】香港城市大學向城市規劃委員會申請規劃許可，在大埔林村禾堂背一幅約9330平方米土地建臨時教學農場，作動物醫學及生命科學院教學用途...
詳情
第22屆校園記者：港青欄王：運動練出自律 考試不靠補習
【明報專訊】應屆文憑試考生王珞僖去年締造歷史，為港隊首次在青年奧林匹克運動會110米跨欄賽事摘銅，成為港青「欄王」。他上月出席「運動燃希望基... 詳情相關新聞
