明報奪14新聞獎 張建宗愛油墨味：日睇20份報章
[2019.04.30] 發表
【明報專訊】話專題報道提供有用資料
香港報業公會噚日舉行「2018年香港最佳新聞獎」頒獎典禮，主禮嘉賓政務司長張建宗致辭時話，自己每日都睇20份報章，笑言最鍾意報紙嘅油墨味；又話從報紙中獲益良多，「特別是報章的深入報道，例如在今天(噚日)展板上獲獎的專題報道，為政府提供了很有用的資料」。張建宗最後提到，政府高度重視同珍惜新聞及言論自由，尊重傳媒嘅監察角色。
講番頒獎禮，《明報》今屆一共奪得14個獎(3冠、4亞、3季及4優異)，包括包辦最佳獨家新聞冠、亞、季軍(作品分別為鄭若驊僭建風波系列、沙中線剪鋼筋醜聞、環聯信貸資料庫保安漏洞)，最佳新聞報道亞軍、季軍及優異獎，最佳圖片(新聞組)冠軍，以及最佳圖片(特寫組)冠軍。另外，喺最佳經濟新聞報道、最佳文化藝術新聞報道、最佳新聞寫作(中文組)及最佳標題(中文組)等組別都有獲獎，證明同事過去一年嘅努力備受肯定。
報業公會主席甘煥騰就話，今年有唔少報章加價，但就無媒體問佢對報章加價嘅睇法，佢認為係因為新聞有價，希望大家睇多啲報紙、多多支持。Emily噚日見到我哋老總都有嚟，仲做埋cam man幫得獎同事影相、即時傳去WhatsApp群組。Emily喺度再一次恭喜所有得獎手足！
更多港聞
【明報專訊】印尼本月17日舉行總統大選，同時舉行國會及地方選舉，當地合資格選民有1.9億，選舉投票率逾八成，人手連夜點票，272名參與選舉工...
詳情
DSE引五四問中港關係 歷史教師：讓考生反思香港角色
【明報專訊】今年是五四運動100周年，昨日中學文憑試（DSE）舉行歷史科考試，有題目資料提及當時香港商人反日的行動，再要求學生分析香港華商就... 詳情相關新聞
