【明報專訊】景黛音當年與翁美玲、戚美珍、曾華倩、藍潔瑛、商天娥及劉嘉玲有「TVB七仙女」美譽。雖已年屆57歲，但保養得宜，被稱讚為「凍齡美魔女」。她笑言沒特別心得，因為懶，所以少做運動，喜歡吃什麼便吃什麼，吃不到會覺得很痛苦，「其實我都易肥，但又易瘦。我諗最緊要係要保持同我個女一樣18歲的心境。同埋我覺得人要過好今日，不要諗以前或諗將來，其實都唔到你諗，總之今日開心咪得囉！」 「母子」鬥照鏡 訪問當日見兩人「母子情深」，一塊鏡兩份照，相當啱key。景黛音自認貪靚，會與姜濤鬥照鏡。 對於照鏡，景黛音有自己一番見解，她說：「我覺得咁樣係尊重自己，亦都係尊重別人，當然要將靚的一面畀人睇，無人鍾意睇到你不修邊幅，這是尊重人的表現。」姜濤也認同說：「寧願照耐一點，都唔想出街畀人講。」
|
| |
| |
;){kind=small}
