點燭唱歌流動連儂牆?齊抗低氣壓
[2019.07.06] 發表
【明報專訊】反對《逃犯條例》修訂爭議令社會瀰漫一股低氣壓。一班北區教區牧者噚晚喺粉嶺嘉福邨發起「一個都不能少」祈禱會，悼念早前墮樓離世嘅21歲教育大學學生盧曉欣。祈禱會有約300人出席，參加者唱詩歌、點起排列成十字架嘅蠟燭(圖)同獻花。有牧者呼籲參加者多留意身邊朋友，一同祈禱同傾訴，疏導大家情緒。有人噚晚亦喺粉嶺、元朗同荃灣等區發起流動「連儂牆」，等市民寫低打氣字句，為香港人同「前線手足」打氣，「一個都不能少」、「齊上齊落」、「你不是孤單的」……，滿滿嘅心意貼喺牆上，有市民駐足細讀，網民形容香港人真「connect」。
更多港聞
【明報專訊】反對《逃犯條例》修例示威者6月21日包圍警察總部至翌日凌晨，九巴當時開出特別班次104R線，由警總外軒尼詩道往旺角，運輸署之後要...
詳情
相關新聞
