【明報專訊】民建聯4月完成領導層換屆，近日亦就青年民建聯舉行換屆選舉。青民有年齡上限，35歲以下成員先有資格，今次換屆後，青民就出現一大批新面孔，過去青民部分成員係區議員，而今次23人嘅青民委員會名單中，暫時未有區議員，大部分名字都非常新鮮。而青民主席一職，早前民記中委已委任施永泰擔任。 民建聯話，今次選舉收到30份委員提名表，本月8至22日投票，選出22名委員。雖然名單無交代各新當選成員，但都有青民委員會嘅資料提供，23人入面得3名女士，委員平均年齡就由上屆嘅29歲降至27.9歲。成員中有60.8%持學士學歷，碩士或以上嘅亦有21.7%。 平均年齡29歲降至27.9歲 民建聯話，青民今個月29號會召開第一次會議，屆時將選出副主席及秘書長。
|
| |
| |
