【Emily】民記籲清路障 網民：支持議員帶隊
[2019.08.12] 發表
【明報專訊】Emily日前提過，民建聯有意組織義工隊，清理反修例示威者所設嘅路障，民建聯未公布細節，佢哋部分議員就率先喺fb宣傳「和平」清除路障行動，民建聯主席李慧琼、立法會議員蔣麗芸(Ann姐)噚日分別發帖，話「暴徒」喺多區設路障，企圖癱瘓交通，為減輕警察負擔，交通可以盡快恢復正常，希望各區朋友以「和平」方式協助清理路障。
帖文建議喺環境安全下清理路障；如遇阻止或謾罵，唔好同對方理論或對罵，又話「如果暴徒太激動，就讓他們搬回路障，千萬不要以暴易暴！」佢哋話要以身作則，令全世界人都見到絕大多數港人都和平理性。
Ann姐：義工自發做最快
唔少網民留言希望Ann姐出手，有人話「支持Ann姐以身作則、帶領一眾坐慣冷氣的民建聯議員下18區守衛馬路。守衛香港，你我有責」。李慧琼fb亦有唔少人留言要求佢落場清理路障，有網民揶揄佢「自己坐喺冷氣房就叫人落街武鬥，呢種咪就係民建聯精神囉！」
Emily問過Ann姐，佢話清理路障會由各區義工自發做，咁樣最快，又話如果佢見到都會幫手搬。
更多港聞
【Emily】被澳門拒入境 新同盟區議員轉赴和你飛
【明報專訊】區議員不時搞旅行團帶街坊去玩，新民主同盟北區區議員陳惠達噚日帶成班街坊去港珠澳大橋、澳門一日遊，仲話今年暑假無去旅行，諗住帶埋阿... 詳情
【明報專訊】中美貿易戰加上近日反修例示威頻密，多個國家同地區向香港發旅遊提示，訪港旅客亦減，旅遊業開始做嘢自救，宣傳香港仍然好安全同值得嚟玩...
詳情
【明報專訊】喺廠房組裝自動化同順利運作嘅生產線，對生產貨品好重要。香港專業教育學院（IVE）學生歐陽家明同楊家豪憑住呢項技能，將代表香港參加...
詳情
相關新聞
