【Emily】立會修復大致完成 符10月復會目標
[2019.10.03] 發表
【明報專訊】《施政報告》要喺立法會每一會期嘅首次會議上發表，新會期開始日就由特首決定，刊憲公布；首次會議日期就由立法會主席決定。立法會大樓喺7月1日被嚴重破壞，立法會秘書處噚日通知議員，話大樓嘅修復工作大致完成，符合原定喺10月中復會嘅目標。
秘書處話，除咗大樓地下嘅玻璃外牆要到明年2月先會完成更換外，各樣設施同系統正在測試，將陸續恢復運作，符合原定喺10月中復會嘅目標；保險公司代表亦已到大樓觀察，確認行政管理委員會所購買嘅「公眾責任保險」涵蓋立法會嘅正常事務，包括於大樓內舉行嘅立法會及委員會會議等。秘書處已告知政府大樓修復進度。
根據《立法會條例》，立法會新會期嘅開始日期由特首決定，喺憲報公布。換言之，𠵱家立法會幾時復會個波喺政府度，立法會主席之後就要根據《議事規則》決定首次會議日期。至於首次會議有冇通知期？根據議事規則第14(2)條，立法會每次會議嘅書面預告，須由立法會秘書喺會議日期最少14整天前發畀議員，但新一會期首次會議不在此限。
更多港聞
荃灣中五生中槍 同區學子受困擾 校長：學生心灰礙學習毁前途
【明報專訊】反修例風暴發展牽動學生情緒，前日荃灣公立何傳耀紀念中學中五男生被警員以實彈射中左胸，各區學生昨日隨即發起舉標語、叫口號等聲援行動... 詳情
【明報專訊】浸會大學校長錢大康昨日向學生、校友和職員發電郵，稱鑑於現時示威活動形勢持續惡化，校方將採取3項額外應對措施。浸大將調整學生支援工...
詳情
【明報專訊】網上流傳將軍澳一間幼稚園有老師在課堂上要求學生扮演警察及暴徒，教導學生使用「雷射筆」，並毆打警察子女。青衣商會將軍澳幼稚園於網上...
詳情
相關新聞
