【明報專訊】近日轉冷，特首林鄭月娥噚日凌晨喺facebook話天文台已發出入冬首個寒冷天氣警告，未來幾日天氣寒冷希望長者注意保暖，亦希望市民多關心身邊人，特別係獨居長者，「不管他們是否需要協助，你的問候都會讓他們暖在心頭」。 林太難得喺fb發帖問候大家，網民似乎唔領情，至噚日截稿前吸得逾萬嬲嬲，約3200個讚好，唔少網民例牌留言話「五大訴求，缺一不可」，亦有人話「冷血既(嘅)人都會覺得凍？」、「天氣再冷都不及你令人心寒」，亦有人重提唔少長者話警方施放催淚彈令佢哋唔舒服，質疑林太有冇關心過。 被質疑無關心長者吸催淚 近日天氣真係幾凍，Emily都提提大家注意保暖，免得冷親。
|
| |
| |
