【Emily】被破壞17次交通燈位置曝光
[2020.01.17] 發表
【明報專訊】反修例示威持續，有超過1400組交通燈被破壞，機電工程署需要派人修理。機電工程署長薛永恒話，本身80人嘅團隊要內部調配到160人去維修，𠵱家幫啲交通燈組裝咗保護裝置，希望減少破壞。
實時監察地圖 九龍曾現「紅海」
2015年機電署已經用緊「地理資訊平台」，可以實時知道全港交通燈嘅運作情况，署方話，如果有交通燈無法運作，顯示屏上代表嗰盞交通燈嘅標誌就會轉做紅色，喺社會運動高峰期，九龍區一帶嘅顯示出現過「紅海」。
署長話，160人嘅團隊努力維修，交通燈現已全部可以運作，並為彌敦道154組交通燈安裝咗保護網，同埋為140個交通燈控制器加裝安全殼，希望可以減少破壞。佢透露，被人破壞咗17次嘅交通燈組，就係旺角彌敦道同亞皆老街十字路口嗰組。
機電署迎退休潮 聘500學員
另外，署長噚日公布喜訊，話嚟緊會聘請500名學員，係歷年最多，希望填補到未來幾年超過10%技工嘅退休高峰期，亦因應機電設施老化，要更多人手，所以希望吸引更多人入行，當中消防設備及整冷氣嘅技工最缺人。
更多港聞
【Emily】唐英年話唔怕「赤字」只怕「赤口」
【明報專訊】全國政協常委唐英年都寫揮春應節，寄語香港「鼠兆豐年」（圖）。唐唐話，2019年係不平凡嘅一年，香港經歷咗過去半年嘅「動亂」、不平... 詳情
【明報專訊】中文大學與中學校長會昨發布「中學課程改革調查研究」，稱未來須加強學生承擔責任、處理衝突等能力，並要持續加強價值教育及生命教育。研...
詳情
相關新聞
