【明報專訊】政府噚日宣布新抗疫措施，大嘥鬼隨即喺facebook專頁聯同10隻政府吉祥物呼籲大家同心抗疫，但一眾吉祥物中，得消防處任何仁、漁護署B仔同天文台度天隊長有戴口罩。好多網民都留言話，連大嘥鬼都無口罩，並要求政府全面封關。 大嘥鬼呼籲大家無咩事唔好出街，亦要避免去人多擠迫嘅地方；屋企保持清潔，以及經常開窗保持空氣流通。佢話，如果一定要外出，記得勤洗手，「戴口罩前要洗、除口罩後要洗」。但好多網民都留言問政府點解唔全面封關，有網民話「唔封關洗幾多次手都無用」、「口罩唔一齊戴係冇用嫁(㗎)」，亦有人批評大嘥鬼「你都無口罩呀，仲講廢話」、「唔戴口罩抗咩疫？」。
|
| |
| |
;){kind=small}
