【Emily】年度唯一 張天任獲委資深大律師

[2020.04.08] 發表

【明報專訊】終審法院首席法官馬道立昨日宣布，委任大律師張天任(圖)做資深大律師(SC)，係本年度唯一一人獲委任，任命將於5月15日生效。不過，司法機構話由於公共衛生考慮，委任儀式細節會另行公布，係首次無同時公布儀式日期。疫情下，法律界呢個年度盛事有可能要延遲喇。

42歲嘅張天任喺香港土生土長，於香港大學讀完法學士，再喺倫敦國王學院攞埋法律碩士學位，2001年喺香港取得大律師資格；擅長處理商業糾紛、司法覆核、稅務等領域嘅訴訟，現時係知名大律師辦事處Temple Chambers嘅成員。

Emily睇過資料，近期多宗由反修例風波引發嘅民事訴訟，如律政司同警方申請臨時禁制令阻止「起底」、禁止滋擾港鐵同機場等命令嘅申請，張天任都代表政府打官司；喺沙中線調查委員會聆訊時，佢代表總承建商禮頓。

更多港聞

【明報專訊】社民連同工黨計劃今日由中環匯豐總行遊行到禮賓府，抗議特首林鄭月娥同問責官員喺疫情下無恥加薪，以及要求政府立即設立「失業援助金」，... 詳情

【明報專訊】立法會噚日舉行特別財委會，早前路透社引消息話有4000名內地武警到港參與警方前線工作，議會陣線朱凱廸質疑，如果警務處委任內地武警... 詳情