【Emily】疫下無籌款宴 民主黨改賣獎券 每張20蚊 盼籌400萬
[2020.05.15] 發表
【明報專訊】立法會選舉9月舉行，若要參加直選甚至「超級區議會」界別，選舉經費要上百萬甚至幾百萬元，民主派政黨要應付呢場大型選舉，就要籌錢打選戰。不過受到新冠肺炎疫情影響，有泛民政黨搞唔成籌款晚宴，只好改變策略靠獎券籌款。民主黨今日開始至7月9號，將會喺全港18區擺100至200個街站賣獎券。該黨準備咗20萬張獎券，一如以往「抗通脹」20蚊一張，目標籌得大約400萬元，以應付選戰同日常運作。
今日至7．9 18區擺站賣券
民主黨副主席羅健熙同籌款委員會主席袁海文噚日開記者會講述今年嘅獎券籌款。民主黨原本計劃喺3月舉行年度籌款晚宴，惟受到疫情影響無奈取消。羅健熙話，可能要去到立法會選舉後、最快今年12月先會再搞黨慶籌款晚宴。
以往民主黨透過黨慶籌款晚宴，大約可以籌得400萬元，今年該黨有改變籌款策略，全力靠獎券籌款。袁海文話，希望靠獎券籌款可以至少籌得200萬元，最好梗係賣晒20萬張獎券、籌到400萬元啦，加埋平時再慳啲，希望可以減輕黨嘅現金流壓力。
獎券嘅獎品包括頭獎名牌相機、二獎名牌吸塵機、三獎名牌喇叭，其他獎品包括平板電腦同近年大熱嘅氣炸鍋。
更多港聞
【Emily】辦團購幫街坊食平啲 區議員做埋「搬運工」
【明報專訊】離島區議員王進洋早前宣布唔會參加立法會選舉，原來除咗想專心做區議員外，仲要做多份「工」，就係「義務搬運工人」。話說佢喺區內推「買... 詳情
【Emily】彭韻僖：政治上律師會「係色盲嘅」
【明報專訊】律師會月底改選，10人爭5個理事席位，本報早前報道，會長彭韻僖（Melissa）電郵為5名並非「開明派」嘅候選人拉票，律師會噚日... 詳情
【明報專訊】今年係六四31周年，喺疫情較為紓緩下，「六四紀念館」終於重開。今年紀念館有一個新主題展覽，扣連「八九六四」同「反送中」。支聯會話...
詳情
【明報專訊】民主派主導今屆區議會，但多次提出討論政治議題如六四事件，都被指不符《區議會條例》下嘅職能。民建聯前區議員林琳批評新一屆區議會不務...
詳情
【Emily】辦遊樂空間設計賽 房協：要老幼咸宜
【明報專訊】本港人口趨老化，唔少長者希望居家安老。房屋協會及理大合辦「跨代共融遊樂空間設計比賽」，今日至6月30日接受報名，邀請外界團隊設計... 詳情相關新聞
